Kurdon rê zıwonê esasdı bonderi, tımmi rayey hemeyi meşgul keno u tenıkı politiqawoni yenon reyra nê, bı şexsi zi nêeşkeni hemfıkır bıbi u ıno xısusdı pêninê.

Neticedı yew roc seyi Bülent Arınç’o kı miyoni politiqanondı itibarê ey esto, ‘zıwonê esasdı heqê bonderi helbet heti insonetê u demoqratik ra gerek heme kes rê imkon bıdo’ ıyna vatı bı, onceğ riyê zordestiyê rayey hemeyi ra gıkırê parti, ya zi hema fıkıri ki zelal nêbi bi, riyê ıno fıkıron ra goreyi ewıl yew fıkıro ferqın ra veciyeno vera ma. 

Onceğ goreyi mı meselayê esas kürdi zıwonê esasdı heqê bonnderi gırotış niyo. Meselayê esas sisteme bonderiyê madı esto. Ge ge wendekaron reyra neticeye têkiliyêdı, ma meseleyonê malem, weli u talebeyon nuseni. Onceğ eyro ıno meseleyonê esas ra, dınyaya kı bena normal dınyadı sisteme bonderiyê ma, peyni mendışê peyser u xırab rê, ma wazeni hiş kaş bıki. Verco z ima seni seni yew nesıl wazeni, gerek ıney rê bewni? 

Şıma zi zoni ez vatışon nêçarneno, ez cadı vono. Eğer kı onawu mesela rê heyna qelbê ey ra peyi yew teşhis ra sıfte bıki. Serronê peyındı bilhesse sıhet u resnayışdı ki, ma qedemewu kı omeyi, memleketonê aver şiyayışon ra bile, yew sewiyedo. Xızmeti ki niweşxoneyi dewlet u xısusın oni lıngonê ma ver, ton eqsiyeyizi ki esti 10 serr verco ma nêeşkerdinê xeyal bıki. Gomi ki rayironê asın, hewa erddı erziyayi, hema temom nebiyi, labelê averşiyayışi standardonê dınyadı beni. 

Ma heyna bıageyrê sisteme bonderiyê xu. Ton şexıson rayra qelb ra belki keno bırindar, ona yew teşhis beno, labelê heyna zi ma wazeno ıyna vaci. Ino wextondı rocdı rocevdı beno, sondê ma u xitabeyê cıwonê, mektebondı koşeyi Atatürk, her sınıfdı dizaynê resmi Atatürk raştdı, xıtabeyê cıwonê zi çepdı Marşê İstiklal esti.

Mıfettişi bonderiyêverin eğer kı mı ğelet nuşto sebeno raşt bıki, çımki miyoni xısusonê teftişdı ıno waziyet zi ca gêno. Eğer k ışıma riyi xu sınıf rê tada, kom der raştdı beno, kom der çepdı beno, tor rınd heyna in zoni. E, aha ıno tetbik biyayış. Wendekari mayê qıymetın, xıtabê cıwonê u sondê ma, sebeno eğer kı mımkuno, ınkay bıgri u internet ra roni, bıwoni. Ez nêzono acep şıma çı his keni? 

Eğer kı şıma wazeni, ma zi şımarê ton ardım bıki! Goreyi şıma, şıma çı wendo yew vatışê Mussolini ya zi Hitler rê moneno ya zi nêmoneno, şıma çı dışmiş beni? Yew qewmi, yew fıkıro politik, yew fıkıro ideal, sebay kı mezgê pıton rê bışıxulnê, ıno şekildı, acep hedre biyi, ya zi hedre nebiyi? 

Ez texmin keno kı, ez eyro ton şexıson zaf hêrs keno. Wıllehi qe xemmê mı niyo. Ez dewom keno. Yew cıns inson meydon erdış rê ronaye, çırray yew sisteme bonderi rê, ma nêşkeni vaci moderno. Miyoni ino sisteme bonderidı, wazenê vaci yew nesılo dindar weye bıki, wazenê vaci yew nesılo homay nêşınasne weye keni, onceğ şıma nêeşkeni insoni modern weye bıki. 

Dewe rê pers kerdi, viyê to çınara çewto? Cewabê ey ıyna vati; tor ê çı lazımo viyê mı çewto. Yoni kürdi mayê qıymetın kurmonçki mıfredat rê daxil bıbo sebeno, nêbo sebeno qeyi ona niyo? Çımki sisteme bonderi xu ra acepo. Hela kı bewni ma seni yew nesil weye bıki? Şıma wazeni heme kes wa cewabê xu bınuso. Bewni ez zi cewabê xu şıma reyra peyi serbesti ra par keno. 

1 – Ma wayirê qıymetonê ehlaqın yew nesıl weye bıki. Yoni pêroyi dinondı dızdê, inson kıştış, dormare u insonon rê zırar dayış, heme cemaatondı eğer kı xırabo, ma ıney şermızar keni, ona yew cıwontê weye bıki. 

2 – Tor toyn 3 zıwon zonaye yew cıwontê weye bıki. Yewer zıwonê esas, yewna bin zi zıwono resmi u hireyın zi dınyadı qebul beno, u yew zıwono zonaye bıbo. 

       3 – Cıwontêyo kı cıgeyrayış zono u pers keno, ma ona yew cıwontê  weye bıki. 

Peyın zi helbet ciwoni wa qerar doni. Liberal beno, ya zi çepgir, mılletçi beno ya zi beno welatıcê dınya. Ma veradê ıno cıwontê ameyoxê xu rê w abı xu qerar bıdo. Çı beno wa bıbo, neticeye cıgeyrayışê xu, çır ê resawu u hıkumonê qıymetonê xu ser ronaye, fıkır u bı şexsi, eyro sisteme bonderiyê xudı meydon erdış rê ki ma xebıtyeni, gayeye insono yew cıns meydon erdış ra zaf, hema sıhetın beno. Ez zi ıney ra bawero. 

U ez heyna zono kı, Wezirê Bonderiyê Milli Prof. Ömer Dinçer zi, ıney zor zi bıbo, xısusê vıraştışdı, zaf ğeyret xerç keno.