Wesiqayi ki İmralı ra omeyi, wezironê MHP’yıcon rê zi woniya.
Heyeti Pêroyidı mışewreyi ki ‘Mışewreyi Oslo’ serdı sıfte kerdi bi, wexto kı MHP’ya kı şırikê hıkumatê ANASOL-M’dı bine, o wext zi dewlet Öcalan reyra mışewre kerdo ıyna veciya werte.
BDP’yıc Hesip Qaplon, ıyna eşkera kerd; mışewre rê ez heti awıqatê ra bı şexsi biyo şahid. AK Partiyıc Ömer Çelik zi ıyna va; ıno iddıa texminonê MHP lerznena. 
Goreyi bewli kerdış; xebatkari dewlet mışewre ra dıma, Öcalan wexto kı bı dest nuşte nuştı bı, ıno nuşteyon zi, wezironê MHP’yıc reyra par kerdo.

Serray 1999 ra heta ınkay mışewre beno

Goreyi xeberê qezeteyê Yeni Şafak; alaqederi qanunê MİT’dı, bedılyayışo kı, wexto kı Heyeti Pêroyidı mışewre bine, mınaqeşeyi Wekilêsereyi Qıfleyê MHP Oktay Vural u BDP’yıc Hesip Qaplon, wexti hıkumatê ANASOL-M’dı, mışewreyi dewlet u Öcalan eşkera kerd. Qaplon ıyna eşkera kerd; ez serray 1999’dı mışewreyon rê bı şexsi biyo şahid. Heyeti pêroyidı mınaqeşeyê ‘öcalan reyra mışewre’ ıno şekildı destpey kerdı bı. Wezirê Edelet Sadullah Ergin ıyna va; dewlet serray 1999 ra naşt heta ınkay Öcalan reyra mışewre kerdo u eğer kı ixtiyaç bıbo, mışewreyi dewom keni.
Vural itiraz kerd: ıno meselayê şerefo
MHP’yıc Oktay Vural Ergin rê cav navıt u ıno ifadeyondı mend; wexti hıkumatê qoalisyondı İmrali reyra mızakere, alaqederi têkiliyidı, heti siyasidı, eğer kı yew xebat esto, kom iddıa keno, ewta gerek eşkera bıko u meselayê onıro.
 

Hesip Qaplon: mı çımon bê xu di

Wekilêsereyi Qıfle BDP Hesip Qaplon mınaqeşeyon ser, vatış gırot u vatışonê Vural zuri kerd. Qaplon ıyna va; wexti hıkumatê qoalisyondı serray 1999’dı mışewreyi biyi. Mı çımon bê xu di. Yoni ınkay ez heti awıqatê ra bı çımon bê xu di. Memuri ki şi bi u Öcalan reyra mışewre kerdi bi, istixbarat, pêroyi acep pabesteyê hıkumaton rê niyi?
Mebusê Muş’ê BDP Sırrı Sakık zi, mışewreyonê serray 1999 raşt kerd u ıno mışewreyon ra dıma ıyna iddı kerd u va; militononê silehın PKK, veciyayê tebere memleket u cezayê idom wedariyawu u ıno mışewreyi İmralı’dı vıraziyayi.
 

Ömer Çelik: Texmini MHP raşt niyi

Ardımkarê Sereyi Pêroyi AK Parti Ömer Çelikneticeyê mınaqeşe ra dıma mışewreyi ki eşkera biyi, semedi ıno mışewreyon rê Twitter’dı ıno qrıtik kerdışondı mend; “Meznunê Ergenekon yew orgeneral, teröristi ki wexti veciyayışê tebere memleketdı, yew qısım wa zerredı bımoni, belki lazım beni, ıyna vato veciya bı werte. Çımki MHP neticeye terordı omiya qediyayış, neticeye terör rê mıcadeledı resiyawu, heta ınkay ıyna iddıa kerdi bi. Labelê yew mızakere biyo ıyna veciya werte. Ino waziyet MHP wexto kı vona, ma wexti veradayışê iktidardı terör sıfır bı. Ino vatışê inon zuri keno. Sewbina wexti ıno mışewreyondı Bahçeli, protoqolê qerarê idom kerdışê Öcalan rê, wexto kı imza eştı bı, neticeye ıno mışewreyondı biyo.

Mektubonê Öcalan, MHP’yıci gıroti bi

Goreyi bewli kerdış; dewletdı roneki alaqeyın İmralı’dı mışewreyon ra dıma, nuştışonê Abdullah Öcalan, wezironê MHP’yıc reyra zi par kerdo. Dewlet Öcalan reyra mışewre kerdo u Öcalan İmralı ra Qendil reyra mışewre kerdo ıni iddıayi zi hema verco omey bi rocev.
Raybertê Barzani KDP’dı zi, sekereteri pêroyi Gazıl Miran izi, Beyrut’dı neşir bine, qezeteyê El-Müstakbel rê mılaqato kı da bı, ıyna vatı bı; wexto kı Öcalan erdi bi Tırkiye, o wext Öcalan Qendil reyra telefondı mışewre kerd. Öcalan 12’i aşmay serray 1999’dı wexto kı awıqatonê xu reyra mışewreyo kı kerdı bı, hıkumat rê 8 maddeyın yew bazarê sebay kı bıromiyo, talimat dawu ıyna veciya werte.