Doz li Amadê tê dîtin û di raya giştî de weke “doza JÎTEM”ê tê zanîn. Di rûniştina dozê de govan Emrah Ozdemîr, îdia kir ku ji gumanbaran Adil Timurtaş, Fermandarê Alaya Cendermeya Mêrdînê yê berê Albay Ridvan Ozden bi xeletî kûştiyê û jê re gotiye.

Emrah Ozdemîr, di derbarê kuştina Musa Anter de jî îdiayên balkeş avêt pêş û got : “Kuştina Musa Anter, Mahmut Yıldırım, Adil Timurtaş, Abdulkadir Aygan û kesê bi navê kod Hogir pêk anîne. Ji xaynî vê kuştinê min seh kir ku heman kes Vedat Aydın, Murat Aslan û 2 Îranî û kesek bi navê Harbî jî kuştine.”

Emrah Ozdemîr, ji girtigehê bo şahidiyê hat û wisa got: “Ez Adil Timurtaş ne weke îtîrafkarê PKKê, ez wî weke peywîrdarê îstîxbarata eskerîyê dizanim. Paşê di sala 2006’an de ez bi Adil Timurtaş re li girtigehê di heman qowîşê de mam. Dema em li girtigehê, Adil Timurtaş çi dinivîsiya û dişanda ji Arif Dogan û Veli Kuçuk re. Ev kes jî, di bin fermana Ertekîn de bûn. Li nivisgeha Ertekîn çi biaxiviyan min di ajandaya xwe de qeyd dika. Ji hemû şeklî ve wezîfedarên dewletê dihatiyan nivîsgeha Ertekin û pê re diaxiviyan. Kesên ku dihatiyan nivîsgeha Ertekin,  di salên 2003 û 2004 ‘an de li  Stenbolê gelek çalakiyên derqanunî pêkanîn. Adîl Timurtaş di sala 2004’an de bi telefonê Mahmut Yildirimê bi navê kod “YEŞÎL” re axivi. Ez hingê li bale bûm û min bi çavê xwe dît û seh kir. Niha ez dixwazim hin kujera kifş bikim.

Emrah Ozdemir di derbarê kuştina Musa Anter ( Apê Musa) de jî wiha got:

 “FERMANA KUŞTINA ANTER ARÎF DOGAN DAYE”

Axaftinên Musa Anter  JÎTEM ê aciz dika loma Arîf Dogan bi wî re hevdîtinek pêk anî û wî hişyar kir: ‘Me sûîqastek li dijî te asteng kiriye, haya ji xwe hebe’ Fermana kuştina Musa Anter, Arif Dogan dabû. Vê qatlê jî Mahmut Yildirim, Adil Timurtaş, Abdulkadir Aygan û bi navê kod Hogir pêkanîne.