Di şewatê de 7 dikan tev bûn xwelî û di gelek dikanan de jî xesar çêbû. Gelek welatî, debar û nanên xwe ji van dikkanan derdixin. Mixabin di şewata duh bişev de bûn xwelî.
Vira sûka dîrokî ya Enqerê, sîteya Çikrikçilarê ye. Şewat duh bişev seet di du û nîvan de, di maxazeyeka 3 qatî de derket. Agir di demek kurt de pijiqî dikanên derdorê. Li gorî tespîtên ewil hat hîn bûn ku 7 dikan tev bûne xwelî û di gelek dikanan de jî xesar çêbû ye.
Tîma agirkujê di demek kurt de hat cihê bûyerê û dest bi xebatê kir. Lê ji ber ku kolan teng bû, wesaîda agirkujê dereng gihişt dikanan. Ji ber ku egir gur bû, mudaxaleya tîma agirkujê kêm ma.Wazîfedarên tîmê, kepenk û derebe bi biviran jê kirin mudaxale li şewatê kirin. Dikan li ber çavên xwediyên wan bûn xwelî û welatî di nava xemgîniyê de rondik rijandin. Wazîfedarên agirkujê piştî 4 seetan bi dijwarî agir vemirandin. 7 kargeh bi temamî şewitîn, di gelek dikanan de jî xisarek mezin çêbû.
